Бүгін аудан әкімі Ринат Джанглишов аудандық тұрғын үй коммуналдық шаруашылығы, жолаушылар көлігі, автомобиль жолдары құрылыс және тұрғын үй инспекциясы бөлімінің жаңа басшысын таныстырып, жұмысына сәттілік тіледі.

Исмағанбетов Нариман Хамидоллаұлы 02.03.1986 жылы Атырау облысы, Махамбет ауданы, Ортақшыл ауылында дүниеге келген.

Білімі жоғары. 2009 жылы Х.Досмұхамедов атындағы Атырау Мемлекеттік университетін, 2014 жылы Батыс Қазақстан инженерлік-гуманитарлық университетін, 2020 жылы Қазақстанның инновациялық және телекоммуникациялық жүйелер университетін тарих, құқықтану, құрылыс материалдарын, бұйымдарын және құрастырылымдарын өндіру мамандықтары бойынша бітірген.

2011 – 2014 жылдар аралығында Атырау және Маңғыстау облыстары бойынша Каспий өңіраралық көлік инспекциясының автомобиль көлігі басқармасында бас маман, 2014-2018 жылдары «НурКапСтройГаз» ЖШС-де директор, 2019-2020 жылдары Атырау облыстық құрылыс басқармасында бас маман 2020 жылдан күні бүгінге дейін Индер аудандық құрылыс бөлімінің басшысы қызметтерін атқарған.

Өз тілшіміз