- Информация о материале
- Read Time: 1 min
- : 70
Мемлекет басшысының тапсырмасымен Ы.Алтынсарин атындағы Ұлттық білім академиясы Келешек мектептерін басқару моделі ретінде айқындалды. Аталған жұмыс шеңберінде қаңтар айының 5-8 күндері аралығында еліміздің әр өңіріндегі Назарбаев Зияткерлік мектептері мен Білім-инновация лицейлері базасында ұстаздарға арналған біліктілікті арттыру курстары мен мастер кластар ұйымдастырылып отыр, деп хабарлайды Egemen.kz.
20 өңірден 1700-ге жуық педагог қатысып жатыр
20 өңірде өтіп жатқан семинарлар «Заманауи мектеп зертханасы: мұғалімге арналған практикалық дағдылар» және «Тәрбие экожүйесі: практикалық шешімдер» тақырыптарына арналған. Оған 170 Келешек мектебінен мектеп директоры және орынбасарлары, оған қоса, физика, химия, биология, информатика пәндері, STEAM және робототехника кабинеттерінің 1700-ге жуық педагогі қатысып жатыр.
170 «Келешек мектебінде» оқу процесі басталған
Естеріңізге салайық, Президенттің тапсырмасымен «Келешек мектептері» ұлттық жобасы жүзеге асырылып жатыр. Жоба шеңберінде 460 мың оқушыны қамтитын 217 мектеп салынды. Оның 84-і ауылда ашылды. Мектептердің 170-інде оқу процесі басталды. Бұл инновациялық білім орындарының бұрынғы типтік мектептерден көлемі 15-20%-ға үлкен, техникалық жабдықталу деңгейі 4 есе жоғары. Барлық келешек мектептері физика, химия, биология, еңбекке баулу, музыка, хореография залы, STEM-зертханалары мен робототехника кабинеттері, коворкинг және спорт залдарымен жабдықталған.
Сапалы білім – тың үлгі
Бүгінде негізгі мақсат оқушылардың тұрғылықты жеріне, отбасы жағдайына қарамастан сапалы білім алуына толыққанды жағдай жасау. Болашақта «Келешек мектептерінің» стандарттары, әдістемесі, басқару жүйесі еліміздің барлық мектептерінің дамуына негіз болады.
- Информация о материале
- Read Time: 1 min
- : 117
Қасым-Жомарт ТОҚАЕВ:
– Жаңа жыл қарсаңында дәстүрге айналған Петербургтегі кездесуіміз мазмұнды өтті. Біз ЕАЭО қызметіне қатысты бірқатар мәселені қарастырып, шешімдер қабылдадық. ТМД форматы аясындағы ықпалдастықтың аса маңызды, өзекті мәселелері талқыланды. ТМД – беделді әрі заман талабына сай халықаралық ұйым. Биыл өзара ынтымақтастығымыз табысты болғаны сөзсіз. Екіжақты қарым-қатынас қарқынды дамып келеді. 12 қарашада Ресейге жасаған мемлекеттік сапарым өте нәтижелі өтті. Сол сапар барысында қонақжайлық танытқаныңыз үшін Сізге ризашылығымды білдіремін. Қазақстан Ресеймен стратегиялық серіктестік және одақтастық байланыстарға ерекше мән береді. Біз Қазақстан мен Ресей азаматтарының күнделікті тұрмыс-тіршілігіне қатысты мәселелерде бірге әрекет етуіміз қажет. Ынтымақтастығымыз бен стратегиялық серіктестігімізді нығайтуға бағытталған ортақ жұмысымыз қос халықтың түпкі мүддесіне сай келеді. – деді Мемлекет басшысы.
Владимир ПУТИН:
– Біз кешеден бері біраз жұмыс атқардық. Бүгінгі бейресми кездесу барысында ҰҚШҰ, ТМД аясындағы қызметімізді және екіжақты ынтымақтастық жағдайын талқыладық. Дегенмен Сізбен Қазақстан және Ресей арасындағы өзара байланыстардың басым бағыттарын дамыту үшін арнайы кездескеніме қуаныштымын. Менің ойымша, барлық сала оң қарқынмен алға ілгерілеп келеді. Екі ел арасында шешілмеген немесе түйткілді мәселе жоқ. – деді Ресей Президенті.
- Информация о материале
- Read Time: 1 min
- : 115
Атырау өңірінде кейінгі жылдары экологиялық мәдениетті нығайту бағытында айтарлықтай серпіліс байқалып отыр. Республикалық “Таза Қазақстан” акциясына тұрғындардың белсенді қатысуы табиғатты қорғау ісін жаңа деңгейге көтеріп, қоршаған ортаның сапасын жақсартуға нақты ықпал етуде. Акция аясында жыл бойы 165 гектар аумаққа 450 мыңға жуық ағаш отырғызылып, 6 мың тоннадан астам қоқыс шығарылуы – өңірдің экологиялық ахуалын жақсартуға бағытталған жұмыстың нәтижелі екенін көрсететін маңызды көрсеткіштер. Бұл – Атырау секілді шөлейтті әрі өнеркәсіптік өңір үшін аса құнды әрі ұзақ мерзімді пайдасы зор бастамалар, деп хабарлайды AtyrauPress тілшісі.
- Информация о материале
- Read Time: 1 min
- : 100
Биыл ел көлемінде Жұмысшы мамандықтар жылы болып жарияланғаны белгілі. Осыған орай ауданымыздың көркеюі мен санитарлық тазалығын қамтамасыз ету бағытында аянбай еңбек етіп жүрген «АгроСтрой Индер» ЖШС мекемесі қызметкерлерінің еңбегі айрықша құрметке лайық.
Солардың бірі – өз ісіне жауапкершілікпен қарайтын, еңбекқор қызметкер Сидеғалиева Жәмила Ашейқызы. Ол бірнеше жылдан бері Индербор кентінің тазалығын сақтау, көшелер мен қоғамдық орындарды тәртіпке келтіру ісінде ерекше еңбек етіп келеді.
Жәмила Ашейқызы – өз мамандығын шын сүйетін, ұжым арасында беделді, тәжірибелі қызметкер. Күннің ыстығына да, суығына да қарамай, кенттің көркеюі мен тұрғындардың жайлы өмір сүруі үшін адал еңбек етуде.
Қазіргі таңда «АгроСтрой Индер» ЖШС мекемесінде 45 қызметкер еңбек етеді. Олар күн сайын кент көшелерінің тазалығын сақтап, тұрмыстық қалдықтарды уақытылы шығаруды және қоғамдық орындардың санитарлық жағдайын қамтамасыз етуді басты міндет санайды.
Осындай адал еңбегімен елдің алғысына бөленіп жүрген азаматтар – ауданымыздың дамуы мен келбетін айқындайтын нағыз еңбек майталмандары.
Индер ауданы әкімінің баспасөз қызметі
