Мүмкіндігі шектеулі жандарды еңбекпен қамту ісінде де кілтипан көп. Қазір елімізде 85,5 мың мүгедек жұмыс істейді, олар негізінен ІІІ топтағылар. Әлбетте, мемлекеттің мүмкіндігі шектеулі жандарды жұмыспен қамтуға көңіл бөліп отырғаны қуантады. Дегенмен, бұл еңбекке жа­рамды мүгедектердің бестен бір бөлігі екенін еске сала кеткен артық емес. Сөйте тұра, олардың физиологиялық ерекшеліктерін де ескерген жөн.

Мәдениет және өнер саласының ұйымдары мен қызметкерлері ара­сында жыл сайынғы «Рухани қазына – 2023» республикалық фестивалінің жеңімпаздарын салтанатты түрде марапаттау рәсімі өтті. Қазақстан Республикасы Мәдениет және ақпарат министрлігінің ұйымдастыруымен өткізілген фестивальда бақ сынаған Бақсай ауылдық мәдениет үйі «Бикен Римованың 100 жылдығы құрметіне орай (мәдени-демалыс ұйымдары арасында)» номинациясы бойынша жеңімпаз атанды.

«Рухани қазына – 2023» республикалық фестивалі аясында Қазақстан Республикасының Ұлттық академиялық кітапханасында мәдениет саласы маман­дарына шеберлік сағаты өткізілді. Аталған шеберлік сағатында мәдени шараларды ұйымдастыру, сонымен қатар, әлеуметтік желілерде дұрыс жұмыс жүргізу мето­дикалары бойынша ақпараттар беріліп, іс жүзінде тәжірибелер көрсетілді. Сондай-ақ, шеберлік сағаттары ҚР Ұлттық музейінде де өткізілді. Шеберлік сағаттың алғашқы бөлімінде Мәдениет және спорт министрлігі Мәдениет комитетінің төрағасы Күміс Сейітова мәдениет және өнер саласындағы нормативтік- құқықтық актілер турасында толық ақпарат беріп, мәдениет қызметкерлері өзекті сауалдарын қойып, жауаптар алды. Екінші бөлімде қатысушылар Қазақстан Республикасының ұлттық музейіне экс­курсия жасады.

Бақсай ауылдық мәдениет үйінің ди­ректоры Жадыра Қуанышқалиқызы мен көркемдік жетекші Өмірбек Нәжімеденов еліміздің мәдени демалыс ұйымдарынан келіп түскен 70 өтінімнің арасынан үздік шықты.

– Фестивальдің облыстық іріктеу кезеңінде «Үздік ауылдық мәдениет үйі» номинациясын жеңіп алып, республикалық кезеңге жолдама алған болатынбыз. Мәдениетімізді асқақтату, осы саланың мамандарының мерейін үстем ету мақсатындағы «Рухани қазына» фестивалі – ұлттық мұралар ұлықталатын алаң. Осы фестивальге дайындық бары­сында қолдау білдірген ұжымдастар, до­стар, отбасыма және жергілікті атқарушы орган өкілдеріне ризашылығымды білдіремін. Еліміздің даңқын асырып жүрген таланттардың көбі ауылдан шықты. Ауылдың өнері өркен жайса, қазақтың мәдениеті қанатын кең жа­яды,- дейді мәдениет үйінің басшысы Ж.Қуанышқалиқызы.

Қ.АЙТҚАЛИЕВ

Батыр баба Махамбет Өтемісұлының 220 жылдығы және ауданның 95 жылдығына орай аудандық жас ән орындаушылар арасындағы «Жас қанат – 2023» байқауы өтті. Байқаудың мақсаты – эстрадалық әндерді қазіргі өңдеуде орындайтын талантты орындаушы­ларды көпшілікке таныту.