Міндет баршаға жауапкершілік жүктейді

Бүгін Мемлекет басшысы Қасым-Жомарт Тоқаевтың Атырау облысының әлеуметтік-экономикалық даму мәселелері жөніндегі кеңесте сөйлеген сөзін мұқият тыңдадым.

Президент экономикалық-әлеуметтік дамудың жаңа мүмкіндіктері жайлы нақты міндеттер тапсырды. Рас, әлемді жаулаған пандемияның елімізге де әсері аз болған жоқ. Сондықтан экономиканы әлсіретпеу үшін мемлекет тарапынан қолдауға көңіл бөлінді.

«Өңірдегі мұнай қоры Тәуелсіз Қазақстанның экономикасын дамытуға мол мүмкіндік берді. Мемлекетіміздің алғашқы ірі инвестициялық жобалары осында жүзеге асырылды» деген Қасым-Жомарт Кемелұлы мемлекетіміздің ішкі жалпы өніміндегі облыс экономикасының үлесі 10 пайыздан асқанын тілге тиек етті. Кеңесте Жайық өзенінің тарылып, оның экологиялық ахуалы күннен күнге нашарлап бара жатқаны талқыланды. Расында, бұл мәселе онсыз да ауыз суға мұқтаж болып отырған жергілікті тұрғындарды толғандырып отыр.

Егін және мал шаруашылығымен айналысатын қожалықтар да үлкен қиындыққа тап болуда. «Біз Жайық өзені аңғарының экожүйесін сақтау жөнінде 2024 жылға дейінгі Қазақстан-Ресей ынтымақтастығы туралы бағдарлама қабылдадық. Үкімет осы бағдарламада көзделген іс-шараларды уақтылы қаржыландыруы керек. Сонымен бірге Ресей жағымен бірлесіп, жедел шаралар қабылдауы қажет» деген Мемлекет басшысы әлі күнге дейін облыста 30 ауылдың ауыз сумен қамтылмағанын айтты.

Қорыта айтқанда, Мемлекет басшысы жүктеген міндеттерді оқып көкейде жүрген көп түйткілге жауап тапқандай болдым. Ең басты міндет – қоғам мен азаматтардың қажеттіліктеріне жауап беру.

Қатимолла РИЗУАНОВ,

облыстық ардагерлер кеңесінің төрағасы

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика