Атыраудағы №49 «Келешек» мектебінде 15 мамыр – International Day of Families мерекесіне орай «Адал азамат – Біртұтас тәрбие» бағдарламасы аясында «Өнерлі отбасы» сайысы өтті.

Іс-шараның мақсаты – отбасы құндылықтарын дәріптеу, ата-ана мен бала арасындағы сыйластықты нығайту, бірлік пен ынтымақты насихаттау, ұлттық өнер мен салт-дәстүрді ұлықтап, өнегелі отбасыларды үлгі ету.

Сайыс бірнеше кезеңнен тұрды. «Таныстыру» бөлімінде қатысушылар өз отбасыларын таныстырса, «Әсем әнім сырнайдай» кезеңінде өнерлерін көрсетті. Сонымен қатар «Отбасылық тағам» турында ұлттық және ерекше тағам түрлерін ұсынып, «Сұрақ тайм» бөлімінде отбасы тәрбиесі мен салт-дәстүрге қатысты сұрақтарға жауап берді.

Сайыс қорытындысы бойынша Бас жүлдені 2 «Б» сыныбының оқушысы Еркінқызы Ерке анасы Жақыпова Ләззатпен бірге иеленді. І орынды 3 «А» сыныбынан Сержан Асылай анасы Мырзағалиева Әселханмен бірге жеңіп алды. ІІ орын 3 «В» сыныбынан Қайыржан Әсемай мен анасы Құрманғалиева Данаға бұйырды. ІІІ орын 3 «Г» сыныбынан Қуандық Амина, анасы Әжғалиева Сандуғаш, ағасы Қуандық Ерасыл және 2 «Ә» сыныбының оқушысы Нұролла Аяла анасы Латыпуллина Гүлбақытпен бірге марапатталды.

Сайысқа қатысқан барлық отбасылар дипломдармен және арнайы сыйлықтармен марапатталды. Іс-шара барысында қатысушылар ұйымшылдық пен татулықтың, отбасы бірлігінің жарқын үлгісін көрсетті.

Н. Насыр

Бүгінде қала аумағында санитарлық тазалық жұмыстары қарқынды түрде жүргізілуде.

 Тазалық мекемесінің қызметкерлері арнайы техникалардың көмегімен көшелер мен жол бойын тазалап, жол жиектеріндегі қоқыстарды жинау жұмыстарын атқаруда.

Сонымен қатар, қала келбетін көркейту мақсатында жол бойында ретсіз өскен шөптерді шабу және аумақтарды абаттандыру жұмыстары да қатар жүргізілуде.

Бұл жұмыстар қаланың тазалығы мен тұрғындарға қолайлы орта қалыптастыруға бағытталған.

А. Махамбетова

50 жастан асқан азаматтардың жан-жақты дамуына бағытталған «50+ Ешқашан да кеш емес» әлеуметтік жобасы Жылыой ауданында табысты жүзеге асып келеді. Жобаның демеушісі — «Теңізшевройл» (ТШО) компаниясы. 

Жобада 150-ден астам құлсарылық қатысушы түрлі бағыт бойынша тұрақты түрде білім алып, белсенді өмір салтын ұстануға мүмкіндік алып отыр.Жоба аясында қатысушылар аптасына алты күн домбыра, ағылшын тілі, йога, аэробика, вокал және би сабақтарына қатысады. Бұл бағыттар олардың шығармашылық қабілетін дамытуға, денсаулығын нығайтуға, қимыл-қозғалыс белсенділігін арттыруға және жаңа орта қалыптастыруға ықпал етеді. Сонымен қатар жоба аға буын өкілдерінің психологиялық және эмоциялық жағдайына да ерекше назар аударады. Тұрақты сабақтар мен ортақ іс-шаралар олардың қоғам өмірінен шет қалмай, өздерін белсенді әрі қажет адам ретінде сезінуіне көмектеседі. Қалыптасқан орта қатысушылар арасындағы байланысты нығайтып, жаңа қызығушылықтар мен дағдыларды меңгеруге жол ашады. «50+ Ешқашан да кеш емес» жобасының басты мақсаты – егде жастағы тұрғындардың өмір сапасын жақсарту, денсаулығын нығайту, белсенді ұзақ өмір сүру мәдениетін қалыптастыру және олардың қоғамға бейімделуіне қолдау көрсету. Бүгінде жоба қатысушылары тек сабақтарға қатысып қана қоймай, қоғамдық және мәдени шараларға да белсенді араласуда.

ТШО компаниясының қолдауымен іске асып жатқан бұл бастама Жылыой ауданындағы әлеуметтік маңызы бар жобалардың біріне айналды. Қатысушылар санының көбеюі мен тұрғындардың қызығушылығы оның қоғам үшін маңызды екенін көрсетеді.Алдағы уақытта жоба бағыттарын кеңейтіп, қатысушыларға жаңа мүмкіндіктер ұсыну жоспарланып отыр.

50 жастан асқан азаматтардың жан-жақты дамуына бағытталған «50+ Ешқашан да кеш емес» әлеуметтік жобасы Жылыой ауданында табысты жүзеге асып келеді. Жобаның демеушісі — «Теңізшевройл» (ТШО) компаниясы. 

Жобада 150-ден астам құлсарылық қатысушы түрлі бағыт бойынша тұрақты түрде білім алып, белсенді өмір салтын ұстануға мүмкіндік алып отыр.Жоба аясында қатысушылар аптасына алты күн домбыра, ағылшын тілі, йога, аэробика, вокал және би сабақтарына қатысады. Бұл бағыттар олардың шығармашылық қабілетін дамытуға, денсаулығын нығайтуға, қимыл-қозғалыс белсенділігін арттыруға және жаңа орта қалыптастыруға ықпал етеді. Сонымен қатар жоба аға буын өкілдерінің психологиялық және эмоциялық жағдайына да ерекше назар аударады. Тұрақты сабақтар мен ортақ іс-шаралар олардың қоғам өмірінен шет қалмай, өздерін белсенді әрі қажет адам ретінде сезінуіне көмектеседі. Қалыптасқан орта қатысушылар арасындағы байланысты нығайтып, жаңа қызығушылықтар мен дағдыларды меңгеруге жол ашады. «50+ Ешқашан да кеш емес» жобасының басты мақсаты – егде жастағы тұрғындардың өмір сапасын жақсарту, денсаулығын нығайту, белсенді ұзақ өмір сүру мәдениетін қалыптастыру және олардың қоғамға бейімделуіне қолдау көрсету. Бүгінде жоба қатысушылары тек сабақтарға қатысып қана қоймай, қоғамдық және мәдени шараларға да белсенді араласуда.

ТШО компаниясының қолдауымен іске асып жатқан бұл бастама Жылыой ауданындағы әлеуметтік маңызы бар жобалардың біріне айналды. Қатысушылар санының көбеюі мен тұрғындардың қызығушылығы оның қоғам үшін маңызды екенін көрсетеді.Алдағы уақытта жоба бағыттарын кеңейтіп, қатысушыларға жаңа мүмкіндіктер ұсыну жоспарланып отыр.

Қазақстан Республикасы Өнеркәсіп және құрылыс вице-министрі Олжас Сапарбеков Nuctech Kazakhstan компаниясының басшылығымен кездесу өткізді. Жиынға сондай-ақ Қазақстан Республикасы Президенті Әкімшілігі Басшысының орынбасары Әсел Жанасова қатысты.

Кездесу барысында Қазақстанда импортты алмастыру және электронды өнеркәсіпті дамыту бағдарламасы аясында әлемдік нарықтағы жетекші компаниялардың бірі – Nuctech компаниясының тексеру-өткізу жабдықтарын ел аумағында өндіру мәселесі талқыланды.

Жоба Мемлекет басшысының көлік-логистика саласын дамыту, транзиттік әлеуетті арттыру, инфрақұрылымды жаңғырту және Қазақстанның Еуразия кеңістігіндегі бәсекеге қабілетті хаб ретіндегі позициясын нығайту жөніндегі тапсырмаларын жүзеге асыру аясында қолға алынып отыр.

Өндіріс қуаттарын іске қосу 2026 жылдың соңына жоспарланып отыр.

Жоба аясында қауіпсіздікті қамтамасыз етуге арналған заманауи жүйелер, оның ішінде Kylin Ti және XT2100 инновациялық тексеру кешендері, сондай-ақ жүк пен багажды тексеруге арналған екі проекциялық CX180180D және CX100100D рентген-телевизиялық қондырғыларын шығару көзделген.

Өндіріс орны Алматы қаласындағы «Инновациялық технологиялар паркі» арнайы экономикалық аймағында ашылады.

Сонымен қатар жоба аясында сервистік орталықтар желісі мен қосалқы бөлшектер қоймасын құру жоспарланған. Бұл ел аумағындағы жабдықтардың үздіксіз жұмысын қамтамасыз етуге мүмкіндік береді.

Мамандардың пікірінше, бұл жоба Қазақстандағы электронды өнеркәсіптің дамуына серпін беріп, жаңа жұмыс орындарын ашуға, отандық мамандардың біліктілігін арттыруға және шетелдік жеткізілімдерге тәуелділікті төмендетуге мүмкіндік береді.

Отандық өндірістің іске қосылуы елді заманауи тексеру жабдықтарымен қамтамасыз етіп қана қоймай, түзеу мекемелері, теміржол вокзалдары, әуежайлар, мемлекеттік мекемелер мен стратегиялық нысандардағы бақылау жүйелерін жаңғыртуға жол ашады. Сонымен қатар жабдықтарға Қазақстан аумағында толыққанды сервистік қызмет көрсету мүмкіндігі қалыптасады.