Атырау облысы коронавирустың таралуы бойынша «қызыл» аймақта қалып отыр.
Соңғы тәуліктегі мәлімет бойынша, Атырау облысында коронавирустық инфекция жұқтырғандар саны азайды. Бұл туралы Атырау облысы Денсаулық сақтау басқармасының баспасөз қызметі хабарлайды.
Вирус жұқтырғандар арасында Атырау қаласынан 21 науқас бар. Скрининг нәтижесінде Теңіз кен орнынан 5 науқас анықталды. Облыс аудандарында да жұқтырғандар саны азайды. Соңғы тәулікте Жылыой ауданының 2, Исатай ауданының 3 тұрғынында Covid-19 расталды, ал, Қызылқоға, Махамбет және Мақат аудандарында бір оқиғадан.
Коронавирустық инфекциясы бар 14 науқаста ауру тиісті белгілермен өтуде. Өткен тәулікте облыста коронавирустан 56 адам сауығып шықты.
Қазіргі уақытта 750 адам үй жағдайында, модульдік ауруханада – 164, облыстық аурухананың инфекциялық стационарында – 80, аудандық инфекциялық стационарларда – 104 адам ем алуда. Теңіз кен орнындағы инфекциялық стационарда 139 науқас емделуде.
Сурет:дереккөз
