Бүгін аудан әкімі Ж.Ахметов ағымдағы жылы аудан намысын Тараз қаласында өткен республикалық турнирде қорғап, жеңіс туын желбіретіп қайтқан жасөспірімдерді қабылдады. zh-shugylasy.kz

Жайлы да жылы жүздесуге футбол командасының мүшелері, жаттықтырушылары мен аудандық спорт бөлімінің, балалар-жасөспірімдер спорт мектебінің басшылары қатысты.

Команда жаттықтырушысы А.Әлдешов жарыстың өту барысы, жас футболшылардың жеңісі туралы баяндап берді.

Аудан басшысы Ж.Ахметов балаларды айтулы жеңістерімен құттықтап, алға қарай бұдан да зор биіктерге жетуге тілектестігін білдірді.

Кездесу соңында команда мүшелері «Алғыс хатпен» марапатталды.

Б.САПАРОВА