Жамбылдан жүлделі оралды.
Тараз қаласында Жамбыл облысы және Талас ауданының Құрметті азаматы Кеңесхан Сәбденұлы Ахаевқа арналған10-12 жас аралығындағы жасөспірімдер арасында футболдан республикалық турнирі өтті. Оған 2007, 2008, 2009, 2010 жылғы туған жасөспірімдер қатысты.
2007-2008 жылы туылғандар арасында барлығы 12 команда болды. Топтық ойында Түркістан, Қызылорда, Жамбыл облыстарының командаларын ұтып, жартылай финалға жолдама алды.
Жүлделі І орынды Махамбет аудандық балалар жасөспірімдер спорт мектебінің командасы еншіледі. Жүлделі 2 орынға Тараз командасының олимпиадалық резервін даярлайтын спорт мектебі іліксе, 3 орын Қаратау қаласының командасына бұйырды. Ал 2009-2010 жылғы туылғандар арасында өткен ойынға 7 команда қатысып, ол айналма түрінде өтті.
Бұл ойында Қаратаудан 2 команда қатысып, бақ сынады. Қызылордадан «Қазалы», «Тереңөзек» командалары Жамбыл облысының Жаңатас қаласынан келген командалармен ойнап, тек «Қазалы» командасымен тепе-тең түсті.
Осы командалардың бәрін жеңіп, махамбеттік жерлестеріміз жарыстың жеңімпазы атанып үлгерді.
Сонымен жүлделі І орынға Махамбет аудандық балалар жасөспірімдер спорт мектебінің командасы қол жеткізді. Жүлделі ІІ орынды Қызылорданың «Тереңөзек» командасы қанжығасына байлады. Ал ІІІ орынды оңтүстік облыстың Таукент командасы иемденді.
Жарыстың «үздік ойыншылары» деп Арман Қамашев, Рысқали Амантай танылды.
Жеңімпаздардың жаттықтырушылары Асқар Алдешов, Әділет Идрисов, Шыңғыс Мұқанғалиев.
Жеңіс құтты болсын, жас футболшылар!
Кенжегүл САПАРҚЫЗЫ
