Шымкент қаласында футболдан жасөспірімдер арасында «Grand cup–2024» халықаралық турнир ұйымдастырылды.
Оған көршілес Өзбекстан, Қырғызстан мемлекеттері және Шымкент, Ақтөбе, Түркістан, Тараз, Атырау қалаларынан жалпы 12 команда қатысты. Аталмыш турнирде Атырау облысының намысын қорғаған аудандық балалар-жасөспірімдер спорт мектебінің командасы 5 ойын қорытындысымен турнирдің жүлделі ІІІ орын жүлдегері атанды. Жеңімпаздар мен жүлдегерлер кубок, медаль, дипломдармен марапатталады. Сонымен қатар, «Үздік қақпашы» аталымына Тұрарұлы Санжар (Ахмет Байтұрсынұлы атындағы орта мектеп), «Үздік ойыншы» аталымына Бауыржанұлы Нұрғиса (О.Шонав атындағы орта мектеп) ие болды. Жарысқа дайындаған жаттықтырушылары– А.Идрисов, А.Алдешов, Д.Ғабдолжан, Ш.Мухангалиев.
Б.САПАРОВА
