Махамбет ауданының Құрметті азаматы, қарымды қаламгер, ардагер журналист Сайлаубай Тәжбентайды еске алуға арналған волейболдан дәстүрлі облыстық турнир өтті.
Турнирдің ашылу салтанатында сөз алған аудандық «Жайық шұғыласы» газетінің бас редакторы Баян Сүйеуова аудандық басылымды 25 жыл басқарған ардагердің өмір жолы мен еңбек жолы кейінгі толқынға үлгі екенін айтып, спортшыларға сәттілік тіледі. «Жайық шұғыласы»-ның ардагері, газеттің жауапты хатшысы, бас редакторының орынбасары, баспахана директоры болған Бағыт Көшербаев қаламгердің ауданға сіңірген еңбегін, газетті дамыту жолында атқарған жұмысын, әріптестерімен қарым-қатынасын еске алды. Аудандық балалар- жасөспірімдер спорт мектебінің директоры Абат Қабенов те жылы лебізін білдірді.
Сайыстың ережесі бойынша командаға тек жастары қырықтан асқандар іріктеледі. Құрманғазы, Исатай, Махамбет аудандары және Атырау қаласының командалары турнирде бақ сынады.
Тартысты өткен жарыстың қорытындысымен волейболдан І орынды Құрманғазы ауданы, ІІ орынды Атырау қаласы,ал ІІІ орынды Махамбет ауданы командалары иеленді. Жеңімпаз командалар және үздік ойыншылар арнайы кубок, дипломмен, ақшалай сыйлықпен марапатталды.
