Астанада дзюдодан ересектер арасында Азия чемпионаты өтуде. 48 келіге дейінгі салмақта атыраулық Абиба Әбужақынова өнер көрсетті.
Бірінші жекпе-жекте ол Чен-Хао Линнен (Тайпей) басым түсті. Ал жартылай финалда Наранцецег Ганбаатарды (Моңғолия) ұтты.
Шешуші жекпе-жекте оған Жапониядан келген Вакана қарсы тұрды. Қарсыластар белсенділік пен күрестің жоғары жылдамдығымен ерекшеленді. Алтын медальдың тағдырын Кога жасаған бір тиімді әдіс шешті. Абужақынова турнирді "күміспен"аяқтады.
Айта кету керек, Абиба 2021 жылы Қырғызстан елінде өткен Азия чемпионатында да күміс жүлдегер атанған болатын.
