Ұлы ақын Ж.Нәжімеденовтің ескерткіш-бюсті ашылды

«Ж. Нәжімеденов атындағы №2 орта мектептің алдына ақынның туғанына 85 жыл толған мерейлі датасына орай бюст орнатылды» деп хабарлайды Атырау облыстық коммуникациялар қызметі.

Атырау облыстық мәдениет, архивтер және құжаттама басқармасының басшы Ақылбек Рысқалиевтің айтуынша, Жұмекен Нәжімеденов қазақ жастарының рухын көтерген ерен тұлға.

«Кеңестік үкімет 1956 жылы ұлан байтақ қазақ жерінің солтүстік аймағындағы Ақмола, Петропавл, Павлодар, Қостанай, Қарағанды облыстарын Қазақ республикасы құрамынан бөлуге әрекеттенді. Осы кезде Шәмші Қалдаяқов пен Жұмекен Нәжімеденов қазақ жастарының ойы мен бойын кернеген «туған жерді талауға бермейміз» деген өр рухын сөз бен сазға сыйғыза білген еді» деп атап өтті ол. Ескерткіш-бюсттің салтанатты ашылу рәсіміне елімізге белгілі тұлғалар – Ғарифолла Есім, Әйкен Жұмекенқызы, Марат Азбанбаев пен Сәрсенбай Еңсегенов арнайы қатысты.

Айта кету керек, ескерткіш-бюстті ашу бастамасы Мемлекет және қоғам қайраткері Сәрсенбай Еңсегеновтің қолдауымен жүзеге асты. Туындының авторы – белгілі мүсінші Серік Мәтениязов. Қазіргі уақытта орта мектепте Жұмекен Нәжімеденовке арналған мұражай жұмыс істеп жатыр. Мұнда ақынның өзі пайдаланған дүниелері, қолжазбалары мен 7 томдық шығармалар жинағы қойылған. Мектептің педагог-ұйымдастырушысы Вера Миденованың айтуынша, мұражай өткен жылы жасақталған. Ескерткіш бюсттің ашылу салтанаты ақынның 85 жылдық датасына орай, «Ж. Нәжімеденов және қазақ поэзиясының көркемдік даму бағыттары» атты халықаралық ғылыми-теориялық онлайн конференцияға ұласты. Конференцияның пленарлық мәжілісінде Атырау облысының әкімі Махамбет Досмұхамбетовтің құттықтау лебізі оқылды.

Онлайн конференцияда «Жұлдызды Жұмекен» кітабының авторы Ғарифолла Есім, Мемлекеттік сыйлық иегері Ақұштап Бақтыгереева, Қазақстан мен Қырғызстанның еңбек сіңірген қайраткері Илья Жақанов, жазушы Мереке Құлкенов, ақын Есенғали Раушанов, филология ғылымдарының докторы, профессор Қадыр Жүсіп және Қытай, Түркия, Әзербайжан елдерінен белгілі профессорлар баяндама жасады.

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика