Атырауда көп балалы отбасыларға жалдамалы 119 пәтер сатылып алынбақ

«Бұл туралы Атырау облысы әкімі Махамбет Досмұхамбетовтің төрағалығымен өткен селекторлық жиында белгілі болды» деп хабарлайды Атырау облысы коммуникациялар қызметі.

Атырау облысы Құрылыс басқармасы басшысының міндетін атқарушы Нұржан Мырзаболатовтың айтуынша, Атырауда көп балалы отбасылар үшін жалдамалы 119 пәтер сатылып алынбақ.

«Нұрлы жер» мемлекеттік бағдарламасының басты мақсаты бірегей тұрғын үй саясатын жүзеге асыру. Ағымдағы жылдың төрт айында 1312 пәтер немесе 152,6 мың шаршы метр үй пайдалануға берілді. Тұрғын үй құрылысын жалғастыру мақсатында аймақта 1400 га болатын территория бөлінді. Көп қабатты 513 тұрғын үй құрылысын салу жоспарланып отыр» деді Нұржан Мырзаболатов.

Қазіргі таңда облыста 24 тұрғын үй құрылысы, яғни, 2258 пәтер салынуда. Оның ішінде жыл аяғына дейін 1326 пәтер, яғни 10 үй пайдалануға беріледі деп күтілуде.

Спикердің айтуынша, өңірлерді дамыту бағдарламасы аясында Атырауда көп қабатты 128 үй жөндеуден өтті. Тек өткен жылы ғана жергілікті бюджет есебінен 13 үй жөнделді. Сонымен бірге, «Нұрлы жер» бағдарламасы аясында 30 үйге күрделі жөндеу жасалады.

Жиынды қорытындылаған Атырау облысының әкімі Махамбет Досмұхамбетов бірқатар тапсырмалар берді. Ең алдымен, «Нұрлы жер» аясындағы нысандарды уақтылы тапсыру және тұрғын үй құрылысына бөлінген қаражатты тиімді пайдалануды міндеттеді.

Сондай-ақ, тұрғын үй иелері кооперативін құрып, түсінік жұмыстарын жүргізу де маңызды.

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика