Атырау тұрғыны қылмысты ашуға көмектесті

Атырау тұрғыны ұрлық қылмысын ашуға көмектесті, деп хабарлайды ҚазАқпарат тілшісі.

Жұмыстан келген Әлібек Жақсығалиев көршісінің ауласында жүрген бөтен екеуді көреді. Аулада жүргендердің бірі терезеге тас лақтырып, үйде ешкім жоқ екенін білген соң екіншісі ауладан секіріп, ішке кіреді. «Дереу көршіме қоңырау шалдым. Олар қонаққа кеткен екен. «Полицияға хабарлайын ба?» деп сұрадым да, жалма-жан «102»-ге телефон соқтым. Полиция аз уақыттың ішінде келіп жетті.

Бірі ауланың сыртында қалды да, екінші полицей ауланың сырт жағымен ішке кірді», -дейді оқиға куәгері Ә.Жақсығалиев. «Батыс-25» экипажының қызметкерлері Ришат Жамелов пен Самат Меңдіғалиев оқиға орнынан қашқан 2 күдіктіні қуып жету үшін біраз жүгірді. «Бізді көрген ауладағы 2 адам қолдарындағы алтын бұйымды лақтырды да, қаша жөнелді. Әріптесім Самат автокөлікпен ізіне түсті. Мен қара жолмен артынан қудым. Көмекке «Батыс-24» экипажы келіп, аумақты қоршау арқылы оларды ұстадық», - деп баяндады оқиғаны патруль полициясының инспекторы Ришат Жамелов.

Департамент бастығы Қамза Үмбетқалиев Әлібекті жеке қабылдап, қылмыстың алдын алуға қосқан үлесі үшін алғыс айтты. «ҚР ІІМ жасақтаған «Көрші бақылауы» бағдарламасы қылмыстың ашылуына көп септігін тигізіп отыр. Полицияға дер кезінде түскен қоңырау қылмыспен күрестің тиімділігін арттырады. Қырағылық танытқаныңыз үшін рахмет», - деген департамент бастығы Әлібек Жақсығалиевке алғыс хат табыс етті.

Сонымен қатар, полиция полковнигі Әлібекке қоғамдық көмекші болуға ұсыныс жасады. Айта кетелік, жыл басынан бері облыста консьерждердің көмегімен 8 қылмыс ашылып, 200-ден астам құқықбұзушылық анықталған.

Материал ашық дерекөзден

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика