Артық құжаттарды талап етумен күрес

Қоғамды сыбайлас жемқорлыққа қарсы іс-қимылға тарту, сондай-ақ мемлекеттік көрсетілетін қызметтерді көрсету кезінде жасанды әкімшілік кедергілерді анықтау мақсатында Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл Агенттігі (бұдан әрі-Агенттік) мен оның аумақтық департаменттері қоғаммен байланысу арқылы жұмыстарды жүйелі түрде жүргізуде.

Бұл ретте Агенттіктің Атырау облысы бойынша департаменті қоғамдық бірлестік ұйымдары өкілдерінің қатысуымен Атырау қаласындағы алғашқы медициналық-санитариялық көмек көрсететін ұйымдарға яғни, емханаларға «Жасырын тұтынушы» әдісі арқылы қоғамдық бақылау жұмыстарын жүргізді.

Қоғамдық бақылау жұмыстарын жүргізу барысында «Алғашқы медициналық-санитариялық көмек көрсететін медициналық ұйымдарға тіркелу» мемлекеттік көрсетілетін қызметі бойынша бірқатар заңбұзушылық фактілері анықталды.

Атап айтқанда Атырау қаласының №1, №2, №3, №4, №5 және №7 емханалар тарапынан жоғарыда аталған қызмет бойынша қызмет алушылардан стандартпен ұсынылуы көзделмеген құжаттарды яғни, қызмет алушының, оның балаларының жеке куәлік және туу туралы куәлік көшірмелерін сондай-ақ флюорографиялық түсірілімді негізсіз талап ететіндері белгілі болды.

Бұдан бөлек, Атырау қалалық №1, №2, №3 және №4 емханалардың қызметкерлері тарапынан осы аталған мемлекеттік көрсетілетін қызметі бойынша қызмет көрсету мерзімі 3 күнді құрайтындығы туралы кеңес берілген болатын.

Алайда, Қазақстан Республикасы Денсаулық сақтау және әлеуметтік даму министрінің 2015 жылғы 27 сәуірдегі №272 бұйрығымен бекітілген мемлекеттік көрсетілетін қызмет стандартының 4-тармағындағы талаптар яғни, қызмет көрсету мерзімі құжаттарды қызмет берушіге тапсырғаннан кейін сол күні көрсетілетіндігі ескерілмеген.

Жоғарыда аталған фактілерді жою, алдағы уақытта болдырмау сондай-ақ мемлекеттік қызмет көрсету сапасын арттыру мақсатында Департаментпен Атырау облысы денсаулық сақтау басқармасына тапсырмалар беріліп, бүгінгі күні тиісті жұмыстар жүргізілуде.

Жеңісбек БАЙШЕРКЕШОВ,

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл Агенттігінің Атырау облысы бойынша департаментінің бас маманы.

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика