Сарайшықта музей-қорықтың жоспары талқыланды.
Ғылыми кеңестің құрамында атыраулық тарихшы – ғалымдар мен ғылыми қызметкерлерден құралған барлығы 17 адам бар. Бүгінгі мәжілістің негізгі мақсаты - 2019 жылы атқарылған жұмыстар нәтижесі мен осы жылдың жоспарын талқылау.
"Алтын Орданың 750 жылдығына орай цитадель, керуен сарайларын зерттеу жұмыстары жүргізілмек. Және де кең көлемдегі конференция өткізу жоспарда тұр. Сарайшықтың насихат жұмыстарын жандандыру күн тәртібіндегі басты мәселе болып отыр",-дейді "Сарайшық мемлекеттік тарихи – мәдени музей қорығы" директоры Ә.Мұқтар.
Ал музей-қорықтың директорының орынбасары Орындық Сағынбаеваның айтуынша, жасап жатырған жұмыстардың бәрі осы музейде өтетін шаралардан көрінеді.
Сондықтан осы жерге көңіл бөлініп, ғылыми және мәдени жұмыстарды, көрмелерді ұйымдастырып, музей жұмысын өз деңгейінде көрсету керек. «Халықтан жәдігер жинау» акциясы жақсы жолға қойылып келеді.
Қазбек АЙТҚАЛИЕВ
