Атырау қаласында өткен "ZHULDYZ ART" Халықаралық өнер конкурсына Махамбет ауданынан Білім Рысқалиқызы жетекшілік ететін "Нұр-Ару" би ансамблінің кіші, орта және жоғары топ қыздары қатысып, 46 би тобының ішінен жүлделі ІІ орынды иеленді.
Бұл конкурста өнер көрсеткен ауданға қарасты Ортақшыл ауылының "Самал" мәдениет үйінің жанынан ашылған "Нұр-Ару" би ансамблінің құрылғанына 1 жыл толмаса да бұл – екінші үлкен жетістігі.
- Жасалған еңбегімді осылай жарқыратып көрсетуге киімдерін бірге тігіп, қызым сахнадан жарқырап көрінсін деп қатарынан қалдырмай жаткан би тобымның ата-аналарына мың алғыс. Мен бұл конкурспен тоқтамаймын. Алдағы уақытта да талай белесті бағындырамын деген сенімдемін. Қолдау көрсеткен барлық жанға алғысым шексіз. Биші қыздарымның дендері сау, болашақтары жарқын болсын деген тілегім бар. Мен өзімнің биші қыздарыммен мақтанамын,- деп ағынан жарылды қыздардың жетекшісі Б.Аруева.
Қ.БАҒЫТ
