Махамбет атындағы академиялық қазақ драма театрының шығармашылық ұжымы өзінің кәсіби мерекесін дәстүрлі түрде ерекше атап өтті, деп хабарлайды Атырау облысының өңірлік коммуникациялар қызметі.

Шараға Атырау облысы әкімінің орынбасары Нариман Таушов  қоржынын республикалық және халықаралық маңызы бар көптеген сыйлықтармен толтырған театрдың жұмысындағы үлкен жаңалықтарды атап өтті.

– Театр - барлық өнер түрлерінің ішіндегі ең маңыздысы деп атауға болады, өйткені ол музыка, балет және хореография, әдебиет, бейнелеу, шешендік өнер сынды көптеген бағыттарды қамтыған.

Халықаралық театр күнін бөлек атап өту де кездейсоқ емес.

Өйткені, бұл адамдардың өзгеріп, рухани өсуін білдіреді.

Сонымен қатар, Нариман Таушов театр әлемінің үздік өкілдерін марапаттады. «Еңбек үздігі»  атағын актер Мырзабек Мақұлов алды. «Халықаралық талант» жоғары атағы актерлер Әміржан Нұрланұлына, Қанат Ізетке, Асқар Мұсағалиев және Динара Далибаеваға берілді. Атырау облысы әкімінен Алғыс хатты актриса Мағрипа Шаненова, Сәуле Бәйменова, Айнұр Ғұбайдуллина, Меруэт Танашева, Анета Баетова, Қонаев Шаматова, Айнагүл Мұхтарова алды, актер Төлеген Жангелдиев «Құрметті ардагер» атағына ие болды.