«Алтын балық» бөбекжайының ересектер «Радуга» тобында «Қыс қызықтары» денсаулық мерекесі болып өтті.

Мақсаты - мектеп жасына дейінгі балалардың денсаулығын нығайту, дененің дұрыс дамуын қамтамасыз ету және салауатты өмір салтын насихаттау.

Топ тәрбиешісі Катерина Кихаева балаларды және көрермендерді бүгінгі денсаулық мерекесімен құттықтады. Алдымен балалар «Көңілді аэробика» әуенімен дене қыздыру жаттығуын жасап, көрермендерге ерекше көңіл-күй сыйлады. «Елочка» және «Снежинка» командаларының арасында бірнеше кезеңнен тұратын топтық жарыста командалар өз атаулары мен ұрандарын таныстырды.

Мереке барысында балаларға қызықты викториналық сауалдар жұмбақтар, ғажайып сәт, спорттық – интеллектуалдық тапсырмалар берілді. Екі команда да ептілік, жылдамдық таныту жағынан тең түсті.

Жарысты балабақша әдіскері Ғ.Базарғали қорытындылап, балаларға дипломдар мен медальдар табыс етті.

Л.КУШАЛИЕВА,

«Алтын балық» бөбекжай-бақшасының тәрбиешісі