Қосарал мектебінің оқушысы - ғылыми жоба жеңімпазы

Айнұр Мұратованың өзі жасаған зерттеуін алдағы уақытта химия сабағында зерттеу түрінде ғана емес, тұрмыста да қолдануға болатынын айтып отыр. Сондай-ақ, ыдыс жуғыш «Миф», «Fairy», «АОS», түрлі иіс сабындардың бәрі осындай химиялық әрекеттесу арқылы жүзеге асатынына тоқталды.

Атырау облысы Махамбет ауданындағы Қосарал орта мектебінің 9 сынып оқушысы Айнұр Мұратова «Табиғи индикатор алу және қолдану» тақырыбында жоба қорғап, жүлделі 1 орынды жеңіп алды.

«Дарын» республикалық-ғылыми практикалық орталығы ұлы ғалым Әбу Насыр Әл-Фарабидің 1150 жылдығын мерекелеу аясында оқушылардың ғылыми-зерттеу қызметіне қызығушылығын дамыту мақсатында 8-11 сынып оқушылары арасында Әл-Фараби атындағы республикалық ғылыми жобалар байқауы өткізілген болатын. Сол байқауда Қосарал орта мектебінің 9 сынып оқушысы Айнұр Мұратованың «Табиғи индикатор алу және қолдану» тақырыбындағы зерттеуі қазылар алқасының көңілінен шығып, бірінші орынды жеңіп алды.

Айнұр Мұратованың ғылыми жетекшісі Сандуғаш Қабазованың айтуынша, онлайн режимде өткізілген байқауға еліміздің барлық облыстарынан 263 оқушы қатысты.

- Оқушым екеуміз көптен ойымызда жүрген бұрын зерттелмеген тақырыпты алдық. Айнұр зерттеуінде табиғи шикізаттан қолмен алуға болатын индикаторларды (табиғи бояуларды) тәжірибе жүзінде дәлелдеп көрсетті. Табиғи өсімдіктердердің құрамы қоршаған ортаның әсеріне байланысты түсін жиі өзгеретінін анықтады, - деді ол.

Ал, Айнұр Мұратованың өзі жасаған зерттеуін алдағы уақытта химия сабағында зерттеу түрінде ғана емес, тұрмыста да қолдануға болатынын айтып отыр. Сондай-ақ, ыдыс жуғыш «Миф», «Fairy», «АОS», түрлі иіс сабындардың бәрі осындай химиялық әрекеттесу арқылы жүзеге асатынына тоқталды.

- Тұрмыста кеңінен пайдаланылып жүрген жуғыш заттар химия тілімен айтқанда, сілтілік және әлсіз сілтілік ортада жасалады. Сондықтан, табиғи өсімдіктерден бояу алу тақырыбын алдағы уақытта кеңірек зерттей түспекпін. Табиғи өсімдіктердің құрамын, олардан табиғи бояу алу зерттеулері мектеп бағдарламасының 5,6 сыныптың «Жаратылыстану», 7 сыныптың «Химия» оқулықтарына енгізілсе, көптеген жас ғалымдар шығар еді, - дейді оқушы.

«Жайық-Ақпарат»

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика