"Жауқазын" бөбекжай-бақшасы,"Таңшолпан" ересек- кезекші тобында "Тәуелсіздік - тірегім" атты мерекелік ертеңгілік өтті.

Шараны  тәрбиешілер Дүйсенова Салтанат пен Даришева Қалампырдың ұйымдастыруымен және көмекші тәрбиеші Аманжолова Гүлжанаттың  көмегімен қашықтықтан, онлайн форматында тамашалауға тура келді.

Ертеңгілік барысында балалар Тәуелсіз Қазақстанға деген құрметтерін рәміздерді атап, өлеңдер арқылы суреттеп, Әнұранды шырқау арқылы көрсетті.

Шарада көрініс тамашаланып, би биленіп,әсерлі әндер тыңдалды. Ертеңгілік соңында балалар "Тәуелсіз Қазақстанның байлықтары" атты қойылым арқылы: "Гүлдене бер, көркейе бер, жайнай бер, менің Отаным - Тәуелсіз Қазақстаным!" деген ұран тастап, Отанға деген тілектерін жолдады.

Осындай шаралар балаларымызды Отанды, туған жерді, өзінің халқын сүюге тәрбиелеп құрметтеуге, патриоттық сезімге үйретеді.

А.АБДИЕВА,

ата-ана