Жуырда Қ.Қарашаұлы атындағы Сарайшық орта мектебінде «Мен-елімнің ертеңімін» атты республикалық бірыңғай сынып сағаты өткізілген болатын.

Осы мақсатқа байланысты 1 сынып жетекшісі А.Көптілеуова «Отаным- Қазақстан», 4 сынып жетекшілері Ж Бляшева, Л.Бисенгалиева «Менің Отаным- менің мақтанышым», 5 «а» сынып жетекшісі А Мұхатова «Отанымды сүйемін» атты сынып сағаттарында оқушылар туған жерге, Отанға деген патриоттық сезімдерін ән, өлең жолдары арқылы жеткізді.

Отанымыздың тәуелсіздікке жету жолындағы қиыншылықтарын тарихи көріністермен берді.

Қоғамдағы отбасының рөлін жоғарылату, жастар арасында жанұя құндылықтары мен салт-дәстүрлерін, әке мен ананың рөлдерін кең көлемде насихаттау, отбасылық тәрбиені білім жүйесіне үздіксіз іс-әрекет ретінде енгізу мақсатында 6 «б» сынып жетекшісі Қ.Сейсенбіқызы «Отбасы –бақыт мекенім» шарасын өткізсе, 7 «а» сынып жетекшісі М. Аменов «Шаңырақ- тәрбие көзі», 8 «а» сынып жетекшісі А.Алтай «Жанұя -асыл құндылық» атты сынып сағаттарын мазмұнды етіп, өткізе білді.

Г.Жексенбаева,

мектеп директоры