Жуырда «Нұр шуақ» балабақшасының «Ақерке» кіші тобында «Жапалақтап қар жауды» тақырыбында ашық сабақ өтті.

Балаларды қағазға саусақ арқылы қардың суретін салуға үйрету арқылы қолдың бұлшық еттері мен саусақтарының ұсақ моторикасын дамыту мақсатында ұйымдастырылған сабаққа бүлдіршіндер белсенді қатысты.

Шаттық шеңберінен кейін кезек сергіту сәтіне берілді. Бұдан соң балалар бояу арқылы саусақпен сурет салып, қиындылардан аққаланың суретін құрастырды.

Сонымен қатар, сабақ барысында балалар қыс мезгілі және осы уақытта орын алатын табиғаттағы құбыластар туралы мағұлмат алып, бейнелі көріністерді тамашалады.

Балалардың психикасы мен бас миының дамуына елеулі әсер ететін саусақтардың ұсақ қимылдарын қалыптастыруға арналған ашық сабақтар алға қарай да жалғасын табады.

Гүлмира Қаржауова,

«Ақерке» кіші тобының тәрбиешісі