Жалғансай орта мектебінде жас ұрпақты өз Отанын сүюге, туған жерге деген сүйіспеншілігін арттыру, оқушы бойындағы экологиялық мәдениетті дамытып, адамгершілікке баулау мақсатында «Сұлу да, сырлы Қазақстан» тақырыбында география апталығы өтті.
Апталықтың ашылуынан соң 5-11сыныптар арасында «Жер-біздің ортақ үйіміз» тақырыбында қабырға газеттері шығарылып, оқушылар сөзжұмбақтар, ребустар құрастырып, суреттер салды.
«География әлеміне саяхат» тақырыбында 7-8 сыныптармен интеллектуалды ойын ұйымдастырылып, 9-10 сыныптар арасында «Жас географ» географиялық сайыс өткізілді. Ақтоғай орта мектебінде географиядан аудандық семинар ұйымдастырылды.
Семинарда мен 9 сыныпқа «Қазақстанның демографиялық жағдайы мен саясаты» тақырыбында ашық сабақ өткіздім.
Апталық соңы «География –менің таңдауым» тақырыбындағы қорытынды кешпен мәресіне жетті.
А.Досқалиева,
Жалғансай орта мектебінің география пәні мұғалімі
