Еліміздегі жастардың қоғамдағы орны Мемлекет басшысының назарынан тыс қалған емес. Президент Жолдауында да елдің болашағы талантты, бастамашыл, Отанын шын сүйетін жас ұрпақтың қолында екені атап көрсетілген. Біз отаншылдығын нақты ісімен көрсететін мәдениеті жоғары ұрпақ өсіруге міндеттіміз. Ол жастарды елдің ең маңызды әлеуметтік ресурсы ретінде қарастырады. Жастардың белсенділігі мен дамуға деген ұмтылысы Қазақстанның болашағын айқындайтын белгі десек те болады. Осыған байланысты жастар үшін өзін-өзі дамытуға жағдай жасау маңызды. Ал олардың сапалы заман талабына сай білім алуы мен кәсіби өсуі мемлекеттік саясаттың басым бағыттары болуы тиіс деп ойлаймын.
Асылхан Насимов, аудандық Төтенше жағдайлар бөлімінің инженері, азаматтық қорғау аға лейтенанты
