Батыс Қазақстан облысы Орал қаласында өткен футзалдан «Kanikul CUP» облыстық ашық турниріне қалалық және ауылдық командалар қатысты. Байрақты додада Махамбет аудандық БЖСМ футболшылары ерекше көзге түсіп, жоғары нәтиже көрсетті.
Жарыс қорытындысында жоғарғы топ жүлделі III орынға тұрақтаса, 2013-2014 және 2015-2016 жылғы жасөспірімдер командасы I орынды жеңіп алып, турнир чемпионы атанды.
Үздік ойыншылар болып Қанат Ислам, Мұхамбетжан Батырхан және Қамидолла Батырхан танылды.
Сонымен қатар Атырау қаласында 2017-2018 жылғы жасөспірімдер арасында «Достық» кубогі өтті. Бірнеше мықты команданың қатысуымен өткен жарыста Махамбет аудандық БЖСМ құрамасы жүлделі II орынды иеленіп, өз мүмкіндіктерін жоғары деңгейде дәлелдеді. Турнирдің үздік ойыншысы атанған – Сәулет Төреәлі.
Команданы жарысқа дайындаған: А.Идрисов , Д.Ғабдолажан , Ш.Муханғалиев, А. Алдешов.
Қ.БАҒЫТ
