Махамбет ауданы Жалғансай ауылының жергілікті тұрғыны 39 жасар ұлының үйінен белгісіз бағытқа шығып кетіп, қайта оралмағандығын айтып, аудандық полиция бөлімінің "102" операторына түн ішінде із-түзсіз жоғалған азамат туралы хабарлама түсіреді.
Аудан полицейлері жоғалған 39 жастағы азамат туралы мәліметтер жинақтау барысында, оның жүйке жүйесінің зақым алуынан психикалық ауытқуы бар екенін, бұған дейін де кетіп қалатын әдеті барын, бірақ, үйге өзі келетіні туралы ақпараттарды білді.
Жан-жақты іздестіру жұмыстары нәтижесінде полиция қызметкерлері жоғалған азаматты ауданның Бақсай ауылдық округіне қарасты шаруашылық далалығынан тауып, анасына тапсырды.
Өз кезегінде ұлының аман-есен табылғанына қуанған анасы тәртіп сақшыларына ризашылығын білдіріп, алғыс айтты.
«Жайық-Ақпарат»
Сурет:дереккөз
