Облыс әкімі Серік Шәпкенов Махамбет ауданына жұмыс сапары аясында аудан орталығы тұсындағы Жайық өзенінің жағалауын нығайту жұмыстарымен танысты, деп хабарлайды Атырау облысы әкімінің баспасөз қызметі.
Жағалаудың жалпы ұзындығы – 4,5 шақырым. Құрылыс жұмыстары 2021 жылдың тамыз айында басталды. Бүгінде көлбеулерін, кері сүзу сүзгісін қалыптастыру, монолитті ростверк құю, оны сыммен тоқу, бағаналарды қағу, орналастыру, темір шпунт қағу, тасты қабатты орналастыру жұмыстары жүргізілуде.
Жағалауды нығайту жұмыстары 2023 жылдың шілдесінде аяқталады деп жоспарланған. Десе де, мұнда жұмыс күші тапшы. Техника саны жеткіліксіз. Сондықтан жұмыс тиісті деңгейде ұйымдастырылмаған. Өндірістік жұмыстар бекітілген жұмыс кестесінен кешігіп жатыр. Бұл кемшіліктер жұмыстың уақытылы аяқталмай қалуына себеп болуы мүмкін.
