Биылғы жылдың 5 қаңтарынан бастап отбасылық-тұрмыстық зорлық-зомбылыққа қарсы күрес саласында жаңа бөлім өз қызметін бастады. Бұл бөлім тұрмыстық зорлық-зомбылыққа қарсы күресте жинақталған жүйелік мәселелерді шешуге, сондай- ақ азаматтардың құқықтары мен қауіпсіздігін қамтамасыз етуге бағытталған.
Бөлімде отбасылық тұрмыстық зорлық-зомбылыққа қарсы күрес тобының аға инспекторы, полиция капитаны Арайлым Сапарғалиева және отбасы- тұрмыстық зорлық-зомбылыққа қарсы күрес тобының инспекторы, полиция майоры Асемгүл Салимова қызметке тағайындалып, еңбек етуде. Жаңа лауазымға тағайындалған полиция қызметкерлері отбасылық зорлық- зомбылықтың алдын алу, зардап шеккендерге көмек көрсету және құқық бұзушыларды жауапқа тарту бойынша белсенді жұмыс атқаруда.
«Біздің жұмысымыздың әр күні отбасылардың қауіпсіздігі үшін күрес болып табылады. Азаматтардан өтініштер қабылдаймыз, тексерулер жүргіземіз, зорлық-зомбылық жағдайларына жедел түрде ден қою үшін мекен-жайларға барамыз. Құқықтық шаралардан басқа, біз әлеуметтік қызметтермен, психологтармен және қоғамдық ұйымдармен тығыз байланыста жұмыс істейміз. Тек бірігіп, бірлікте жұмыс істеу арқылы айтарлықтай нәтижелерге қол жеткізе аламыз. Біздің міндетіміз – құқық бұзушылықтардың алдын алу ғана емес, сонымен қатар отбасылармен жұмыс істеу, профилактикалық әңгімелер жүргізу және психологиялық қолдау көрсету арқылы мәселені түбегейлі шешу», – дейді бөлімнің аға инспекторы, полиция капитаны А.Сапарғалиева.
Бөлім мамандарының қысқа мерзім ішінде атқарған жұмыстары нәтижесінде отбасылық-тұрмыстық зорлық-зомбылыққа қарсы күресте қырықтан астам құқық бұзушылық анықталып, әкімшілік жауапкершілікке тартылды.
ӨЗ ТІЛШІМІЗ
