Кінәлі деп танылды.
Аудандық сотта Қазақстан Республикасы ӘҚБтК-нің 389-бабының 1-бөлігі бойынша жүргізуші А-ға қатысты әкімшілік іс қаралды. Сотта анықталғандай, құқық бұзушы жеке меншік автокөлігімен 92,9 кг сазан және 270,8 кг мөңке балықтарын құжатсыз түрде заңсыз тасымалдаған.
Сот отырысына «WhatsApp» желісі арқылы байланысқа шыққан А. әкімшілік құқық бұзушылық жасағанын мойындайтынын, аталған балықтарды бұрын таныс емес адам Орал қаласына апаруға салып жібергенін, өз әрекетіне өкінетінін айтып көрсетті.
Сот қаулысымен заңсыз балық тасымалдаған азамат кінәлі деп танылып, оған әкімшілік жаза ретінде 24 419 теңге айыппұл салынды. Алынған балықтар мемлекет пайдасына тәркіленді.
Сот қаулысы заңды күшіне енген жоқ.
Аудандық соттың баспасөз қызметі
Сурет:дереккөз
