Аудандық сотта Ж-ға қатысты әкімшілік іс қашықтықтан «WhatsApp» қосымшасы арқылы қаралды.
Сотпен анықталғандай, құқық бұзушы Ж. Жайық өзені жағасында қара балыққа арналған ұзындығы 10 метр, тор көзі 50х50 мм, түсі сары болатын тыйым салынған ау құралымен балық аулаған.Ұсталған мезгілде балығы болмаған.
Оның бұл әрекеті балық аулау қағидаларын өрескел бұзу ретінде, Қазақстан Республикасының ӘҚБтК-нің 383-бабының 3-бөлігімен дәрежеленген.
Сот отырысында Ж. кінәсін толық мойындап, ондай іс-әрекетті енді қайталамайтыны және жасаған әрекетіне өкінетінін айтып көрсеткен.
Аталған баппен Ж-ны кінәлі деп тауып, оған 20 АЕК мөлшеріндегі айыппұлды 30 пайызға қысқартып, яғни 38 892 теңге көлемінде айыппұл салынды.
Қаулы заңды күшіне енді.
Махамбет аудандық сотының баспасөз қызметі
