Жасөспірімдер мен балалардың көшелер мен жолдарда қауіпсіз жүріс-тұрысына байланысты дағдыларын нығайту, тұрақты тұратын және оқу орнында көлік ортасына бейімделуі мақсатында ақпан айының 5-29 аралығында аудан көлемінде өткізіліп жатқан «Қауіпсіз жол» жедел профилактикалық іс-шарасы шеңберінде «Сіздің жолаушыңыз – бала!» акциясы ұйымдастырылуда.
Балалардың жол-көлік оқиғаларынан жарақаттануы назар аударуды және шаралар қабылдауды талап ететін күрделі проблема болып табылады. Жол жүрісі қағидаларын және тасымалдау кезінде балаларға арналған арнайы қауіпсіздік шараларын сақтамау көбіне жазатайым оқиғаларға әкеледі.
«Сіздің жолаушыңыз–бала!» акциясының мақсаты – жол-көлік оқиғаларының алдын алу, сондай-ақ ересектердің балаларды ұстау құрылғыларын (автокресло, бустерлер, адаптерлер) пайдалану бойынша дағдыларын бекіту, қауіпсіз жүріс-тұрыс қағидаларын насихаттау, жол жүрісіне қатысушыларға балаларды тасымалдау және арнайы ұстау құрылғыларын міндетті пайдалану қағидаларын түсіндіру. Сонымен қатар, кәмелетке толмаған жүргізушілердің кінәсінен орын алатын оқиғалардың алдын алу мақсатында жалпы білім беретін мектеп оқушылары мен олардың ата-аналары арасында тиісті түсіндіру жұмыстарын жүргізу болып табылады.
Р.КАЙРЕКЕНОВ,
АПБ ППТ қызмет аға инспекторы, полиция капитаны
