Аса қауіпті жұқпалы аурулардың бірі саналатын – сібір жарасының қоздырғышы қоршаған ортаға төзімді болып келеді. Ол топырақта ұзақ жылдар бойы сақталады.
Бұл ауру адамға көбінесе үй жануарларына жанасу кезінде (малды сою кезінде терісін сыпыру) және бактерияның спораларымен ластанған тағамдар және топырақтағы егістік өнімдерін өңдемей қолдану кезінде жұғуы мүмкін.
Ауруды жұқтырудың алғашқы симптомдары ретінде қатты бас ауруы, жоғары дене қызуы, жалпы әлсіздік, кеуде ауруы, тұншығу, қан қоспасы бар диарея, іштің түйілуінен білуге болады.
Сібір жарасының алдын алудың негізгі шараларына келсек. Үй жануарларының күтімі кезінде жеке қорғаныс құралдарын қолдану, жануарларды сату және сою кезінде санитарлық ережелерді сақтау, жануарларды алдын ала ветеринариялық тексеруден кейін сою, кездейсоқ тұлғалардан ет пен сүт өнімдерін сатып алмаған жөн.
Қасапшылар, ет және өнімдерін жинау, сақтау, тасымалдау, өңдеу және сатумен айналысатын тұлғалар, сонымен қатар түйнеме індетінің қолайсыз аумақтарында жұмыс істейтіндер індетке қарсы алдын алу екпелерін алуы қажет. Жануарларды да сібір жарасына қарсы егу жұмыстарын жүргізу керек.
Ет және басқа да жануарлардан алынатын өнімдерді арнайы мал дәрігерінің бақылауынан өтпеген, сатуға рұқсат құжаттары жоқ және жеке тұлғалардан алуға тыйым салынады.
Г.ХАМЗИНА,
обаға қарсы күрес бөлімшесінің дәрігері
