Махамбет аудандық әкімдігі мен ХҚКО-ның ұйымдастыруымен Махамбет аудандық халыққа қызмет көрсету орталығында мемлекеттік қызмет көрсету жәрмеңкесі өтті.

Жалпы жәрмеңкенің басты мақсаты - мемлекеттік қызмет көрсету бойынша тұрғындарды толғандырып жүрген сұрақтарына байланысты толық ақпарат беру, мемлекеттік қызмет көрсету сапасын арттыру және e.gov.kz электрондық үкімет порталы арқылы көрсетілетін қызметтердің үлесін арттыру еді.

Аталған жәрмеңкеге мемлекеттік қызмет көрсететін дербес бөлімдердің өкілдері мен Махамбет ауылдық округінің мамандары қатысты. Шара барысында тұрғындарға әлеуметтік, тұрғын үй, жер қатынастары, ауыл шаруашылық, ветеринария, спорт, білім және экономика салалары бойынша кеңестер берілді.

Қатысушыларға электронды қызмет көрсетуді насихаттау мақсатында 30-ге жуық брошюра таратылды.

А.Арманова