Мемлекет басшысы Қасым-Жомарт Тоқаевтың Қазақстан халқына арнаған Жолдауы денсаулық сақтау саласын жүйелі түрде дамытуға және халықтың өмір сүру сапасын арттыруға бағытталған маңызды стратегиялық құжат болып табылады. Жолдауда медициналық көмектің қолжетімділігі мен сапасын арттыру, алдын алу шараларын күшейту мәселелері басты назарда болды.
Отбасы денсаулығы орталығының күнделікті тәжірибесінде халықпен тікелей жұмыс жүргізіледі. Осы тұрғыда Президенттің алғашқы медициналық-санитарлық көмекті дамыту, профилактикалық тексерулердің маңызын арттыру жөніндегі тапсырмалары уақыт талабына толық сай келеді. Аурудың алдын алу – денсаулық сақтаудың ең тиімді жолы екені белгілі.
Жолдауда медицина қызметкерлерінің әлеуметтік жағдайын жақсарту, кадр тапшылығын азайту, заманауи медициналық құрал-жабдықтармен қамтамасыз ету мәселелері нақты атап өтілді. Бұл бастамалар сала мамандарының кәсіби жауапкершілігін арттырып, халыққа көрсетілетін қызмет сапасын жақсартуға мүмкіндік береді.
Сонымен қатар, ана мен бала денсаулығын қорғау, балалар арасындағы аурушаңдықты төмендету, салауатты өмір салтын қалыптастыру бағыттары Отбасы денсаулығы орталықтарының негізгі қызметімен тығыз байланысты. Президент Жолдауында бұл бағыттардың басымдық ретінде белгіленуі медицина саласы қызметкерлеріне үлкен сенім мен жауапкершілік жүктейді.
Жалпы алғанда, Президент Жолдауы – халық денсаулығын сақтау мен нығайтуға арналған нақты міндеттерді айқындаған маңызды құжат. Алға қойылған мақсаттарды табысты іске асыру үшін медициналық қауымдастық бар күш-жігерін жұмсайтынына сенім мол.
Сақтапова Балымгүл Аманжоловна,
Отбасы денсаулығы орталығының меңгерушісі
#ПрезидентЖолдауы
#ХалықДенсаулығы
#ДенсаулықСақтау
#АлғашқыМедициналықКөмек
#АнаМенБала
#СалауаттыӨмірСалты
#МедицинаҚызметкерлері
