Маңызды сәт еліміздің Әнұранымен басталды.

Жексенбі, 2021 жылдың 10 қаңтары, таңғы сағат 07:00. Мемлекет тарихында тәуелсіздік алғаннан бері өткізілгелі отырған Парламенттің сегізінші сайлауы басталды. Қашанда сайлауға белсенді түрде қатысатын махамбеттіктер де жексенбі күнге қарамастан таңмен таласа сайлауға асықты.

Д.Төленов атындағы мектеп-гимназия қабырғасында орналасқан №217 сайлау учаскесіне біз де ат басын бұрдық. Есіктен кірген сәттен-ақ, қорғаныш киімін киіп, қажетті құралдармен жарақталған дәрігер күтіп алып, температурамызды өлшеуге кірісті.

Маңызды сәт еліміздің Әнұранымен басталды. Учаскеге таңғы 7-ні күтпестен ең алғашқы сайлаушы да келе қалды. Үш бюллетеньді қолына қыстырып әкеліп, сайлау  жәшігіне күмп еткізді.

- Әлемді жайлаған індет кезінде сайлаудың өткізілуі – еліміз үшін сын. Осы сыннан аман өткенімізді қалаймын. Жалпы бұл учаскенің сайлаушылары қай сайлауда болмасын өте белсенді. Бүгінгі күні тіркелген 1562 сайлаушымыз бар. Бүгінгі сайлауда 7 комиссия мүшесі мен 5 байқаушы жұмыс жасап отырмыз, - дейді комиссия төрайымы.

Қ.АЙТҚАЛИЕВ