Елді жайлаған індет кезінде сабырға келіп, үй-үйді араламай отбасымызбен бірге болғанымыз абзал.

Биылғы Құрбан айт мейрамында мешіттерде құрбан айт намазы оқылмайтынын, құрбан шалу онлайн түрде өтетінін білдік. Бұның бәрі елімізде таралған пандемияға байланысты күллі халықты жұқпалы дерттен қорғау үшін, жұртшылықтың саулығын ойлағандықтан қолға алынып отыр.

Қазақстан Мұсылмандар діни басқармасының төрағасы, бас мүфти Наурызбай қажы Тағанұлы: «Алдымызда күллі мұсылман баласы асыға күткен ұлық мейрам Құрбан айт келе жатыр. Алла қаласа, биылғы құрбан айт мерекесі ғұламалар кеңесінің шешімімен 31 шілде мен 1-2 тамыз күндеріне сәйкес келіп тұр. Алайда елімізде карантин 2 тамызға дейін ұзартылғандықтан республика бойынша мешіттер жабық болуына орай, 31 шілде күні құрбан айт намазы оқылмайды» деген болатын. Қайда отырып, қол жайғанына қарамастан адамның риясыз көңілмен жасаған кез келген құлшылығы мен дұғасы қабыл болатыны айқын. Сондықтан биылғы айт намазының мешіттерде жамағатпен оқылмайтынына сабырлық танытуға шақырамын.

Қ.СИСЕНОВ, зейнеткер