Қылмыстық құқық бұзушылықтың алдын алу мақсатында аудандық полиция бөлімінің жергілікті полиция қызметінің бастығы полиция майоры Дастанбек Расулиевтің қатысуымен аудандық пробация қызметі тобының есебінде тұрған сотталғандармен кездесу ұйымдастырылды.
Кездесуді полиция майоры Дастанбек Расулиев ашып, пробация қызметі тобының есебінде тұрғандар үшін сотпен белгілеген міндеттерді орындау атап айтқанда, мінез- құлықтарына есеп беруге келіп, кешкілік уақытта үйде болу, әкімшілік жауапкершілікке тартылмау қажеттігі маңызды екенін еске салды.
Өздерін қоғамнан шеттетпей, керісінше ел қатарлы өмір сүруге талпынуға шақырды. Аудандық пробация қызметі тобының аға инспекторы әділет капитаны А.Молдашева түзеу жолға салу пробация қызметінің міндеті екенін, қайталап қылмыс жасамау керектігін, сот талаптарын орындау қажеттігін айтып өтті.
А.КАБДЫКАЙРОВА, аудандық пробация
қызметі тобының инспекторы, әділет капитаны
