Наурыздағы ұлттық ойындар

Наурыз мерекесінде ұлттық ойындарға кезек берілді.  Алаңда алдымен қазақ халқының ұлттық ойындарының бірі -  қол күресімен басталды.   Қол күресінен жеңімпаз болып, жүлделі 1 орынды Асылбек Тілегенов  жеңіп алды.  Жүлделі 2 орынға  Төребек Есенғалиев ие болса,  ал жүлделі 3 орын Батырбек Латиповке бұйырды. 

Кір тасын көтеруден  Әділ Алданбаев жеңімпаз болып, 1 орынды иемденсе, 2 орын  Азамат Ақылбековке бұйырды.  Жүлделі 3 орынға Ерболат Қабдешов ие болды. 

Қазақтың ұлттық ойындарының біріне -арқан тарту жатады.  Арқан тартудан үш команданың ішінен ауыл жастары командасының мерейі үстем болып, жүлделі 1 орынды жеңіп алды.  Жүлделі 2 орынды  аудандық ішкі саясат бөлімі  қанжығасына байлады.  Жүлделі 3 орын «Өнерпаз» мәдениет үйінің командасына бұйырды. 

Қазақ спортының шоқтығы биігі -қазақ күресі болып табылады.  Наурыз мейрамында  қазақ күресіне  қатысушылар легі де көп болды.  Қызу тартыста өткен додада жүлделі 1 орынға  Жігер Бисен  ие болды.   Жүлделі  2 орынды Алишер Балабаев иемденді.   Жүлделі 3 орынға Алмаз Пастухов пен Ерқанат Қырым ілікті. 

Ұлттық ойындар бойынша жарыс жеңімпаздарын аудан әкімі Қайрат Есқабылұлы марапаттап, жүлдегерлерге жүлделі орындары мен  ақшалай  тігілген сыйлықтарын табыстады.

А.Қуанышқалиева

ФОТОГАЛЕРЕЯ

Біріңғай мемлекеттік байланыс

AQPARATPRINT