Бөбекжай-бақшаның ересек «Гүлдер» тобының балаларымен бірге қысқы ойын-сауық атауларын бекіту, қимыл-қозғалыстарын дамыту, тәрбиешінің дабылы бойынша дұрыс қимылдай білу, қызығушылығын ояту мақсатында өткен шарада бүлдіршіндер тапсырмаларды ойындар арқылы орындады.
Топ тәрбиешілері Н.Джумабаева мен А.Сатаева балаларға әр маусымның өзіне тән қызығы мен сейіл-серуені бар екенін,соның ішінде қыс мезгілі де өзіндік кіршіксіз аппақ қарымен, қаһарлы мінезімен, сықырлаған аязымен ерекше болатынын түсіндірді. Балалар «Аққала», «Шырша» топтарына бөлініп жарысты. Шана сүйреп, кеглдер арасымен өтіп, шелектерін қарға толтыра жарысқан балалардың жүздері күлкіге толып, барлығы бейне бір қыстың суығын емес, оның жылы нұрын, ыстық тартар сәулесін тауып алғандай қуанды. Шара соңында балалар мадақталды.
Нұргүл ДЖУМАБАЕВА,
«Нұршуақ» бөбекжай-бақшасының тәрбиешісі
