Жаңа жыл жақсылық пен жаңалықтың жаршысы.

Сол себепті жақында Махамбет ауданында мемлекеттік әлеуметтік тапсырыс шеңберінде "Ержүректілер" мүгедектер қоғамы мүмкіндігі шектеулі ерекше балаларға "Қош келдің, Жаңа жыл!" мерекелік шыршатой ұйымдастырды.

Шараға аудан әкімі Ж.Бахуұлы қатысып, ақжарма тілегін арнады. Жаңа 2020 Тышқан жылы жаңа леп, молшылық пен табыс әкелсін!-деді аудан басшысы.

Басқа да ата-аналар балаларға жүрекжарды лебіздерін білдірді. Мерекелік шараға ауданның 170-ге жуық ерекше балалары шақырылып, оның 70-і қатысты. Мерекеге  көптеген ертегі кейіпкерлері ерекше сән беріп, жиналған балаларға жан жылуын сыйлады.

Аяз ата мен ақшақар жаңажылдық сыйлықтарын таратты.

К.Сапарқызы