8 наурыз – Халықаралық әйелдері күніне орай «Өнерпаз» мәдениет үйінде мерекелік кеш өтті.
Мереке қарсаңында бір топ нәзік жандылар қауымы аудан әкімінің алғыс хатымен марапатталып, сый-сияпаттар ұсынылды.
Олардың арасында білім беру, денсаулық сақтау, құқық қорғау, мемлекеттік қызмет, кәсіпкерлерлік саласының мамандары бар.
- Құрметті ақ жаулықты аналар, апа-қарындастар және бүгінгі салтанатқа қатысу жерлестер! Жайдары көктемнің алғашқы күндерімен барша адамзаттың көңілін жадырата келген 8 наурыз – Халықаралық әйелдер күнімен шын жүректен құттықтаймын. Тәуелсіз еліміздің ұл-қыздарын тәрбиелеп, қоғам ісіне білек сыбана кірісіп, қиын-қыстау кезеңде демеу болып жүргендеріңіз үшін сіздерге алғыс айтамыз. Бүгінгі мерекелеріңізбен тағы да құттықтай отырып, дендеріңізге саулық, шаңырақтарыңызға шаттық, ырыс-береке тілеймін, - деді аудан әкімінің орынбасары З.Жаңабайұлы өзінің құттықтау сөзінде.
Мерекелік кеште әсем әуезді ән де шырқалды, күй де күмбірледі, би де биленді.
Шуағын төге келген аяулы аналарымыздың, барша аяулы жандардың көзайым мерекесі құтты болсын.
Қ.АЙТҚАЛИЕВ
Суреттер автордікі
