Құттықтаймыз!
Атырау облысында «Конферансье-2023» мәдени іс-шаралар жүргізушілерінің облыстық байқауы өтті. Мақсат - әр түрлі бағыттағы мәдени шараларды жүргізушілерді іздестіру, оларды көпшілікке танымал ету.
Облыстық мәдениет, тілдерді дамыту және архив ісі басқармасы және облыстық халық шығармашылығы орталығының ұйымдастыруымен өткен байқауда Махамбет ауданынан 2 жұп қатысып, жүлдегерлер қатарынан табылды.
Еламан Ғафуров пен Айжан Бөлекбаева байқаудың бірінші орнын қанжығаға байласа, Сейітжан Құжырбаев пен Нұргүл Жалмұханова жұбы екінші орынға ие болды.
Сонымен қатар Бейбарыс ауылының талантты жасы Айтқали Сембаев жеке дара өнер көрсетіп, алғыс хатпен марапатталды.
Қ.БАҒЫТ
