Алғыс алған арымас.
Осы жылдың 5 мамырында Махамбет АПБ әкімшілік полиция бөлімшесінің қызметкерлері Бақсай ауылдық округінің учаскелік полиция инспекторларымен бірге әкімшілік аумағындағы қыстақтарды тексеру барысында Махамбет ауданынан 60 км жердегі Қаңбақты елді мекенінен бейтаныс адамды көріп тоқтатыпты.
Бұл азамат өзінің аты-жөні Шамиев Құрмантай екенін, көлігімен жеке мал шаруашылығына қырға шыққанын, келе жатқанда көлігінің көлге батып қалғанын, оны шығаруға көмек іздеп жүргенде өзінің кенет адасып кеткенін айтты.
Бар мән-жайды түсінген полицейлер Құрмантай ағаның тез арада көлігін тауып, оның көлге батып қалған жерінен шығаруға көмектесті.
Қиналған кезде қол ұшын созған полицейлерге Қ.Шамиев алғысын жаудырып жатты.
«Жайық-Ақпарат»
