Бүгін аудан кәсіпкерлері бала жастан мүгедек бала тәрбиелеп отырған отбасыларға демеушілік көрсетіп, жеміс-жидек таратты.
-Егін мен баубақша өсірумен айналысатын аудан болғандықтан біржолғы көмек ретінде «Дастан» шаруа қожалығының басшысы Қ.Ермановқа аудандағы мүгедек баласы бар отбасыларға көкөніспен көмектесуге ұсыныс жасаған болатынмын.Бір ауыз сөзімді жерге тастамай өтінішімді қабыл алған кәсіпкер 1,5 тоннадай бақша өнімдерін ұсынды. Бұл өнімдер аудандағы 60 отбасына үлестірілді. «Дастан» шаруашылығының басшысы Қ.Ермановқа жанашырлық танытып, көмек қолын созғаны үшін шексіз ризашылығымызды білдіреміз, - деді аудандық мүгедектер қоғамының төрағасы Жолай Түгелбаев.
К.САПАР
