Дәрілер жиынтығында дәл қазіргі күні қажетті парацетамол, антигриппин, сондай-ақ көпреттік бетперде бар.
Атырау облысы әкімдігінің қолдауымен көмек қажет ететін отбасыларға тегін дәрі-дәрмек пакеті үлестірілді.
Махамбет ауданы бойынша 40 отбасыға дәрілер жиынтығы келді. Ол дәрілер еріктілердің көмегімен үйлеріне жеткізілді.
Оның ішінде мүгедектер, аз қамтылған отбасылар, көп балалы аналар, мүгедек бала асырап отырғандарға берілді. Дәрілер жиынтығында дәл қазіргі күні қажетті парацетамол, антигриппин секілді дәрі-дәрмектер мен көпреттік бетперде бар.
Сондай-ақ, «Халық» қайырымдылық қорынан тұрмысы төмен және көп балалы 13 отбасыға жиынтық дәрілік-азық-түліктерді таратылды. Көрсетілген қолдау себетінде облыстық Денсаулық сақтау басқармасымен келісілген және ҚР Денсаулық сақтау министрлігі бекіткен COVID-19 емдеу хаттамасына енгізілген негізгі дәрілік препараттар мен азық-түлік жиынтықтары мен жуғыш заттар, сондай-ақ антисептикалық құралдар және медициналық маскалар бар.
Қ.БАҒЫТ
