Махамбетте өткен ат бәйгесінде 13 жасар шабандоз бас жүлдеге ие болды

Атырау облысында өткен ат бәйгесінде 13 жасар шабандоз бас жүлдеге ие болды. Жасөспірімге 500 мың теңге берілді.

Махамбет ауданындағы Кеңөріс ауылында Конституция күніне орай қазақтың ұлттық ойындарынан бәйге өтті. Облыстық әкімдіктің қолдауымен өткен ұлттық ойындарға командалық көкпар, қыз қуу, аламан және құнан бәйге кірді.

Құнан бәйгенің қашықтығы – 12 шақырым. Мәре сызығын 19 шабандоздың арасынан 13 жасар Сағындық Алданбайдың жүйрігі бірінші болып кесті.

Жасөспірім шабандоз Жылыой ауданының Қосшағыл ауылында тұрады. Бәйгеге ат қосқанына екі жыл болған. Жүйрігінің аты – Баян.

«Былтыр Жылыой ауданында өткен «Алтын тай» бәйгесінде жеңімпаз атандық. Мені шабандоздыққа ағайым Жасталап Таңқаев баулыды», - дейді шабандоз бала Сағындық Алданбай.

Құнан бәйгенің бас жүлдегері Сағындық Алданбайға 500 мың теңге берілді. Ал, екінші жүлдені Жаңаөзен қаласынан қатысқан шабандоз Таңатар Сүйсінов, үшінші орынды Батыс Қазақстан облысының тұрғыны Асхат Камешев иеленді.

Ұлттық ойындардың тағы бірі – қыз қуу. Бұл сайысқа Атырау облысыныың әр ауданынан бес ару қатысты. Олар – Дария Ербол, Нұршат Әлихан, Фатима Орынғали, Қымбат Асылхан, Сәуле Асанкелді.

 «Біздің бірнеше тұлпарымыз бар. Қыз қууға алғаш рет қатыстым», - дейді Дария Ербол.

Ережеге сәйкес, жігіт қызды қуып жетіп, белбеуінен шарфты жұлып алуы керек. Бұл жолы ат үстіндегі арулардың жолы болды. Арулар мінген тұлпарларға жігіттердің жүйрігі жете алған жоқ.

 

Inform.kz

 

Сайлау

y

Фотогалерея

Сұрақ Жауап

Жайық суын молайту үшін не істеу керек?

ЖАҚСЫ КІТАП - ЖАН АЗЫҒЫ

Aqprint

Байланыс номерi :     +7 702 132 03 32      +77122458521

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика