Биылғы жаз табиғаттың тосын сыйымен басталып, шаруагерлерді біраз әуреге салды. Әйтсе де, күн қызуына пісетін егістік алқаптарындағы бақша өнімдері енді-енді бой көтеріп, қатар түзеп келе жатса, таңдайлық кәсіпкер Қуаныш Медеуовтің қарбыздары жергілікті сауда орындарына жол тартты.
Ауданда алғашқылардың бірі болып өнім жинап жатқан кәсіпкер биыл 6 гектар аумаққа қарбыз еккен. Бүгінде сырттан келген жеңсік астың базардағы бағасы 1 келіге 140-150 теңге шамасында болса, «Медеуов К» шаруа қожалығының қарбыздарын 160 теңгеден өлшеніп сатылуда. Бастысы жергілікті өнімнің құрамында нитраты жоқ, таза. Ал, атыраулықтар сүйсініп, сұрап жейтін «Дастанның», «Дебдиеваның» қарбыз-қауындары да жақын күндерде дүкен сөрелеріне қойылатын болады.
А.САТАЕВА
