Нұр-Сұлтан қаласында Қазақстан Республикасы Ішкі істер министрлігінің бастамасымен учаскелік полиция инспекторларының республикалық слеті өткізілді.  Мақсат – жергілікті полиция жұмысының тиімділігін арттыру, құқық бұзушылықты алдын алудың оң нысандары мен әдістерін тарату.

Аталған жиында «Ауылдық жерлердегі үздік учаскелік полиция инспекторы мен кәмелетке толмағандар ісі жөніндегі учаскелік полиция инспекторы» номинациясы бойынша Атырау облысы ПД Махамбет аудандық Полиция бөлімінің ювеналды полиция инспекторы Нұрқуат Орақов «үздік учаскелік полиция инспекторы» болып танылды.

Байқау жеңімпазы ҚР ІІМ министрі Ерлан Тұрғымбаевтың  грамотасымен және «Үздік учаскелік полиция инспекторы» төсбелгісімен және «Құқық тәртібін қамтамасыз етуге қосқан үлесі үшін» медалімен марапатталды. 33 жастағы полиция капитаны 2014 жылдан бері ішкі істер органында қызмет етіп келеді. Нұрқуат – еңбекқор қызметкер, үш баланың әкесі.

– Ювеналды полиция инспекторы – бұл жай ғана қызметкер емес, ол психолог, тәрбиеші. Ең бастысы балада жеке тұлғаны ашуға, түзету жолына түсуге және баламен сенімді қарым-қатынас орнатуға мүмкіндік беретін ерекшелікті табу, – дейді полиция капитаны Н.Болатұлы.

Өз тілшіміз