"Зорлық-зомбылықсыз 16 күн" акциясы аясында Махамбет аудандық кітапханасында бөлімнің жергілікті полиция қызметі бөлімшесінің әйелдерді зорлық-зомбылықтан қорғау тобының инспекторы, полиция аға лейтенанты Л.Қуанышбаеваның ұйымдастыруымен "Отбасы - бақыт мекені" тақырыбында семинар өтті.

Семинарға полиция бөлімінің қызметкерлері, ауданның белсенді жастары, мектеп ұстаздары, әр саланың қызметкерлері қатысты. Спикерлер әйелдер мен жасөспірімдерге зорлық-зомбылық көрсетудің себептері мен салдары, оның алдын алу бағытындағы жүргізіп жатқан жұмыстар мен өзекті мәселелер жайында теориялық-практикалық жағынан кеңінен түсінік берді.

Қатысушылар тарапынан сұрақтар, пікірлер мен ұсыныстар берілді. Сонымен қатар, аудагдық кітапхана қызметкерлері отбасы құндылықтарын насихаттау мақсатында "Отбасы - алтын ұя" тақырыбында кітап көрмесін ұйымдастырып, таныстырды. Шара соңында акция кезінде белсенділік танытқандар бөлім бастығының "Алғыс хатымен" марапатталды.

Өз тілшіміз